Կազա` 72 ժամուայ զինադադար։
Ուրբաթ օգոստոս 1-ի առաւօտեան ժամը 7-էն, Իսրայել եւ Համաս ընդունեցան` Միացեալ նահանգներու
եւ ՄԱԿ-ի կողմէ առաջարկուած 72 ժամուայ մարդկայնական զինադադարի կիրարկումը։ Մինչ երկկողմանի
պատուիրակութիւններ մեկնած են Գահիրէ` բանակցական հանդիպումներ ունենալու նպատակով։
26 օր տեւող այս հակամարտութիւններու զոհերուն թիւը հասած է 1450-ի, Պաղեստինեան կողմէ մինչ Իսրայելեան կողմէ զոհուած են 61 զինուորներ եւ 3 քաղաքացիներ:
Միւս կողմէ, իսրայէլեան բանակը պահեստի 16 հազար զինուորներ զօրակոչի ենթարկեց: Զօրակոչի ենթարկուած պահեստի զինուորներուն թիւը բարձրացնելով 86 հազարի:
Պաղեստինեան դիմադրութեան յանձնախումբերու բանբեր Ապու Մուժահետ յայտնեց, որ Կազայի մէջ գործողութիւնը շարունակելու համար հազարաւոր զինուորներ զօրակոչի ենթարկելու մասին իսրայէլեան բանակի յայտարարութիւնը անարժէք է` վստահեցնելով. «Դիմադրութիւնը պիտի շարունակէ իսրայէլեան քաղաքներն ու բնակեցման վայրերը հարուածել»:
| All the contents on this site are copyrighted ©. |